- المحرر
- 8:04 ص
- التكنولوجيا والانترنت
- لاتوجد تعليقات
تعرف على آخر تطورات الاندرويد الحديثة
فى ناس كتير كانت بتسال ليه دايما التحديثات بتاعت الاندرويد الجديدة بتتأخر على ما توصل , بصراحة هى حاجة تغيظ , بس ليها سبب برضو , قبل ما نشرح عايزين بس نتفق على كام مصطلح كدة تمام
اولا : واجهة اندرويد الاصلية , او النقية :
كلنا طبعا عارفين يعنى ايه اندرويد و بنتعامل معاه فى موبايلاتنا , بس انت عارف ان شكل السوفت وير او شكل الايقونات وكل حاجة بتتعامل فيها مع الموبايل , ده مش شكل الاندرويد الاصلى , او الشكل النقى بتاع الاندرويد اللى جوجل مطلعاه , لان الشكل النقى غالبا مش بيبقى موجود غير فى هواتف جوجل الرسمية اللى هى سلسلة ال nexus .
طب امال اللى انا بتعامل معاه ده ايه ؟؟ دى يا سيدى حاجة اسمها هاتعرفها فى النقطة اللى جاية :)
ثانيا : ( UI , User Interface ) واجهة المستخدم :
واجهة المستخدم دى هى اللى انت بتتعامل معاها و بتشوف شكلها دايما فى موبايلك , و بيبقى ليها اسماء مختلفة حسب نوع الموبايل بتاعك :
سامسونج : TouchWiz UI
أتش تي سي : HTC Sense UI
سونى : Timescape UI
أل جى : LG Optimus UI
وهكذا
طيب , ايه هى اصلا واجهة المستخدم دى ؟؟
زى ما احنا عارفين الاندرويد ده نظام مفتوح المصدر , معنى كدة ان ممكن اي حد ياخد الشفرة المصدرية بتاعت نظام التشغيل و يعدل عليه براحته اى تعديل و يطرحه فى السوق . ف كل الشركات تقريبا علشان تميز موبايلاتها عن اى موبايل تانى بيشتغل بنظام الاندرويد بيعملوا حكاية واجهة المستخدم دى , بيعدلوا فى نظام الاندرويد النقى يعدلوا بقى فى شكل الايقونات فى نظام التنبيهات فى الهوم سكرين و هكذا و يطلعوا بال UI اللى انتوا بتشوفوه ادامكم فى موبايلاتكوا , علشان كدة لو مسكت موبايل سامسونج مثلا هاتلاقى اختلاف فى التعامل عن موبايل اتش تي سى , مع ان الاتنين ماشيين بنفس نظام التشغيل اللى هو الاندرويد , لكن لو مسكت موبايلين سامسونج من نوعين مختلفين هاتلاقى ان تجربة الاستخدام واحدة تقريبا علشان واجهة المستخدم واحدة .
تمام كدة خلصنا المصطلحات ؟
طيب ايه علاقة ده بتأخير التحديثات الجديدة لأندرويد ؟
علاقة كبيرة طبعا , بما ان كل شركة بتاخد النظام الجديد او التحديث الجديد الصادر من اندرويد و بتعدل عليه علشان تقدر تحط واجهة المستخدم الخاص بيها علشان تتميز عن الشركات التانية , ف حكاية تظبيط التحديث الجديد مع واجهة المستخدم دى بتاخد وقت شوية على حسب تعقيد او بساطة واجهة المستخدم اللى الشركة بتستخدمها , يعنى مثلا واجهة Sense بتاعت اتش تى سى اللى انا بعتبرها من اعقد واجهات المستخدم ( و اجملها برضو ) , دى هاتاخد وقت علشان تتظبط مع الجيلى بين مثلا عن واجهة TouchWiz بتاعت سامسونج , علشان كدة تلاقى ان HTC one X لسه موصلهوش الجيلى بين فى العالم كله غير من كام يوم , فى حين ان الجيلى بين للجلاكسى اس ثرى واصل بقاله مدة .
طب ليه التحديث بيكون وصل للعالم كله و بيتأخر فى الشرق الاوسط ؟
بسبب اللغة العربية مش اكتر !
طب وضح اكتر , ماشى , زى ما احنا عارفين ان اللغة العربية بدأت تدعم فى نسخ الاندرويد دعم كامل من اول ال ICS , و دعم كامل يعنى كل موبايلك يبقى باللغة العربية بما فيها الخرائط والقوائم و كل حاجة , ف علشان يقدروا يخلوا الدعم الكامل للعربى مع واجهة المستخدم مع التحديث الجديد ف دى بتاخد وقت اكيد .
فى ناس كتير كانت بتسال ليه دايما التحديثات بتاعت الاندرويد الجديدة بتتأخر على ما توصل , بصراحة هى حاجة تغيظ , بس ليها سبب برضو , قبل ما نشرح عايزين بس نتفق على كام مصطلح كدة تمام
اولا : واجهة اندرويد الاصلية , او النقية :
كلنا طبعا عارفين يعنى ايه اندرويد و بنتعامل معاه فى موبايلاتنا , بس انت عارف ان شكل السوفت وير او شكل الايقونات وكل حاجة بتتعامل فيها مع الموبايل , ده مش شكل الاندرويد الاصلى , او الشكل النقى بتاع الاندرويد اللى جوجل مطلعاه , لان الشكل النقى غالبا مش بيبقى موجود غير فى هواتف جوجل الرسمية اللى هى سلسلة ال nexus .
طب امال اللى انا بتعامل معاه ده ايه ؟؟ دى يا سيدى حاجة اسمها هاتعرفها فى النقطة اللى جاية :)
ثانيا : ( UI , User Interface ) واجهة المستخدم :
واجهة المستخدم دى هى اللى انت بتتعامل معاها و بتشوف شكلها دايما فى موبايلك , و بيبقى ليها اسماء مختلفة حسب نوع الموبايل بتاعك :
سامسونج : TouchWiz UI
أتش تي سي : HTC Sense UI
سونى : Timescape UI
أل جى : LG Optimus UI
وهكذا
طيب , ايه هى اصلا واجهة المستخدم دى ؟؟
زى ما احنا عارفين الاندرويد ده نظام مفتوح المصدر , معنى كدة ان ممكن اي حد ياخد الشفرة المصدرية بتاعت نظام التشغيل و يعدل عليه براحته اى تعديل و يطرحه فى السوق . ف كل الشركات تقريبا علشان تميز موبايلاتها عن اى موبايل تانى بيشتغل بنظام الاندرويد بيعملوا حكاية واجهة المستخدم دى , بيعدلوا فى نظام الاندرويد النقى يعدلوا بقى فى شكل الايقونات فى نظام التنبيهات فى الهوم سكرين و هكذا و يطلعوا بال UI اللى انتوا بتشوفوه ادامكم فى موبايلاتكوا , علشان كدة لو مسكت موبايل سامسونج مثلا هاتلاقى اختلاف فى التعامل عن موبايل اتش تي سى , مع ان الاتنين ماشيين بنفس نظام التشغيل اللى هو الاندرويد , لكن لو مسكت موبايلين سامسونج من نوعين مختلفين هاتلاقى ان تجربة الاستخدام واحدة تقريبا علشان واجهة المستخدم واحدة .
تمام كدة خلصنا المصطلحات ؟
طيب ايه علاقة ده بتأخير التحديثات الجديدة لأندرويد ؟
علاقة كبيرة طبعا , بما ان كل شركة بتاخد النظام الجديد او التحديث الجديد الصادر من اندرويد و بتعدل عليه علشان تقدر تحط واجهة المستخدم الخاص بيها علشان تتميز عن الشركات التانية , ف حكاية تظبيط التحديث الجديد مع واجهة المستخدم دى بتاخد وقت شوية على حسب تعقيد او بساطة واجهة المستخدم اللى الشركة بتستخدمها , يعنى مثلا واجهة Sense بتاعت اتش تى سى اللى انا بعتبرها من اعقد واجهات المستخدم ( و اجملها برضو ) , دى هاتاخد وقت علشان تتظبط مع الجيلى بين مثلا عن واجهة TouchWiz بتاعت سامسونج , علشان كدة تلاقى ان HTC one X لسه موصلهوش الجيلى بين فى العالم كله غير من كام يوم , فى حين ان الجيلى بين للجلاكسى اس ثرى واصل بقاله مدة .
طب ليه التحديث بيكون وصل للعالم كله و بيتأخر فى الشرق الاوسط ؟
بسبب اللغة العربية مش اكتر !
طب وضح اكتر , ماشى , زى ما احنا عارفين ان اللغة العربية بدأت تدعم فى نسخ الاندرويد دعم كامل من اول ال ICS , و دعم كامل يعنى كل موبايلك يبقى باللغة العربية بما فيها الخرائط والقوائم و كل حاجة , ف علشان يقدروا يخلوا الدعم الكامل للعربى مع واجهة المستخدم مع التحديث الجديد ف دى بتاخد وقت اكيد .
ليست هناك تعليقات:
إرسال تعليق